Related Posts
Category : National
મહાકુંભમાં આવેલી ઈટાલિયન યુવતીઓએ યોગી આદિત્યનાથને ‘શિવ તાંડવ’ સંભળાવ્યું
સંગમ શહેરમાં આયોજિત મહાકુંભ 2025માં ભાગ લેવા માટે વિશ્વભરમાંથી લોકો આવી રહ્યા છે. આ દરમિયાન પ્રયાગરાજ મહાકુંભમાંથી પરત ફરેલી ઈટાલિયન મહિલાઓએ મુખ્યમંત્રી યોગી આદિત્યનાથ સાથે મુલાકાત કરી હતી. આ દરમિયાન તેમણે સીએમ યોગીની સામે રામાયણ, શિવ તાંડવ અને ઘણા ભજનો સંભળાવ્યા. આના પર સીએમએ ખુશી વ્યકત કરી અને તેમને શુભચ્છા પાઠવી.
ઈટાલીની મહિલાઓ સીએમ યોગીને મળી
સમાચાર એજન્સી ANIના અહેવાલ મુજબ, ઇટાલીમાં ધ્યાન અને યોગ કેન્દ્રના પ્રશિક્ષક માહી ગુરુજીએ તેમના અનુયાયીઓ સાથે લખનૌમાં ઉત્તર પ્રદેશના સીએમ યોગી આદિત્યનાથ સાથે સૌજન્ય મુલાકાત કરી.
રાજ્ય સરકાર દ્વારા જારી કરાયેલા આંકડા મુજબ રવિવારે સવારે 8 વાગ્યા સુધીમાં 17 લાખથી વધુ શ્રદ્ધાળુઓ મહાકુંભ મેળામાં આવ્યા હતા. ખરાબ હવામાનની યાત્રિકોની અવરજવર પર કોઈ અસર થાય તેવું જણાતું નથી. અહેવાલ અનુસાર, 18 જાન્યુઆરી, 2025 સુધી, 77.2 મિલિયનથી વધુ શ્રદ્ધાળુઓએ સંગમ ત્રિવેણીમાં ડૂબકી લગાવી છે.
ચાર મુખ્ય શાહી સ્નાન કરવાનું બાકી છે
આગામી દિવસોમાં યાત્રિકોની અવરજવર વધવાની ધારણા છે, કારણ કે ચાર મોટા શાહી સ્નાન થવાના બાકી છે. મહાકુંભમાં આગામી મુખ્ય સ્નાન તારીખો 29 જાન્યુઆરી, 3 ફેબ્રુઆરી, 12 ફેબ્રુઆરી અને 26 ફેબ્રુઆરી છે. વડાપ્રધાન નરેન્દ્ર મોદીએ રવિવારે મન કી બાત કાર્યક્રમમાં મહાકુંભનો ઉલ્લેખ કર્યો હતો, ત્યારબાદ યુપીના સીએમએ તેમનો આભાર માન્યો હતો.
Load more
